మౌనం

ఆ వీధి చివర ఎవరో పాడుతున్నారు

శృతి లయలతో సంభంధం లేకుండా 

ఈ చివర నేను నడుస్తున్నాను 

గమ్యం సమయం తెలియకుండా..... 

నీవు నడిచిన అడుగుల్లో రోజు నడుస్తున్నాను,

నీ జాడ లేదు 

నిన్ను చేరడం లేదు 

నీ అడుగుజాడలు చెదరడం లేదు 

అలసిపొతున్నాను నేస్తం 

ఆగిపోవా!

మౌనంలో ఎన్నో మాటలు ఉంటాయంటారు

కాని నా మాటల లోతుల్లో కూడా మౌనాలేనే!

ఈ జనసంద్రం లో నేనెవరినో

ఈ అడుగులు ఎటువైపో 

వినిపిస్తుందా నా ఒంటరి ఆలాపన